Почетна

Здружението за Церебрална парализа од Тетово е невладина и непрофитна организација формирана во 1996 на иницијатива на неколку родители на деца со посебни потреби од Тетово.

Нашата мисија е да им помогнеме на лицата со посебни потреби во оставрувањето на своите права и во остварувањето на равноправноста на лицата со посебни потреби.

Здружението е едно од најстарите од овој вид во тетовскиот регион и до сега има стекнато голем углед и е препознатливо во средината како Здружение кое активно работи на подобрување на правата на лицата со посебни потреби. Здружението за Церебрална парализа од Тетово на двапати, во 2004 и 2013 ја доби највисоката награда на Општина Тетово „3-ти Март” за заслуги во невладиниот сектор.

Како поголеми самостојни проекти ги имаме релизирано

• 2008 г. „Информативен центар за лицата со посебни потреби”. Проектот уште трае
• 2017 „И јас сакам да гласам” проект за вклучување на лицата со посебни потреби во изборниот циклус, проект е поддржан од невладината „МОСТ” а финансиски поддежан од ЕУ
• 2018 Проектот „Обуки за ИОП” наменет за наставниците од основните училишта во Тетово за нивна обука за изработка на Индивудуален образовен програм за учениците со попреченост кои посетуваат редовна настава. Проектот е добиен преку невладината „Полио плус” а финансиски беше поддржан од ЕУ
• 2019 Во тек е реализацијата на проектот „Зборуваме за хендикепот” во кој треба да се реализираат 6 ТВ емисии во кои ќе се зборува за проблемите и за успесите на лицата со посебни потреби. Проектот е поддржан од Институтот за медиуми и различности од Лондон, Македонскиот институт за медиуми и Националниот совет на инвалидските организации на Македонија, со финансиска поддршка од Европската Унија